Полицајците излегуваат на протест – бараат повисоки плати

Независниот синдикат на полицијата најави протест за денеска во знак на незадоволство од ниските плати и, како што велат, неправедната судска пракса. Според најавата, протестот ќе започне во 12 часот кај раскрсницата кај Мавровка, а ќе заврши пред Судскиот совет во Скопје околу 13 часот.

Претседателот на синдикатот, Мартин Ефремов изјави дека основната плата на полицајците е само 1.000 денари над законскиот минимум, што е спротивно на Законот за минимална плата. Според него, потребно е изедначување на платите и нивно пресметување соодветно, вклучувајќи ги и додатоците за минат труд.

Протестот е реакција и на постапката против четворица судии од скопските судови, за кои синдикатот поднел претставка поради сомнежи за непристрасност. Полицајците порачаа дека законот мора да важи подеднакво за сите, не само кога треба да се казнува.

Share on Facebook

Tweet

Follow us

Save