Портпаролот на Влен ги замрзнува политичките активности откако неговиот татко беше уапсен за полов напад на дете
Портпаролот на Влен, Фахри Хисени, ги замрзнува своите политички активности откако неговиот татко беше уапсен за полов напад на дете.
Во објава на Фејсбук Хисени објасни дека секој е одговорен само за сопствените постапки, но се повлекува од политичките активности за да не изгледа дека сака да влијае на случајот.
– Длабоко сум шокиран и повреден од веста што се појави во медиумите за мојот родител. Не можам да го најдам вистинскиот збор да го опишам овој момент!
Ако овие наводи се покажат точни, тоа ќе биде страшен удар, не само за мене, туку и за целото мое семејство.
Само помислата дека се соочувам со ова ми ја крши душата!
Како луѓе, ние сме одговорни само за нашите сопствени постапки и вредностите за кои се залагаме, но тоа не ја менува мојата решеност да дејствувам. Затоа, за да не создадам некакво недоразбирање или погрешен впечаток, решив привремено да ги замрзнам моите политички активности. Не сакам од функцијата што ја имам да изгледам дека можам на кој било начин да влијаам врз институциите кои го истражуваат ова чувствително прашање.
Цел мој живот сум активист за човекови права, борејќи против неправдата и насилството. Не можам да бидам индиферентен, без разлика од каде потекнува.
Исто така, во овие тешки моменти, понизно барам да се почитува приватноста на моето семејство. Ни треба простор за да се соочиме мирно со оваа ситуација, далеку од очите на јавноста. – напиша Хисени на Фејсбук.
