“Почнале со пиење” уште од сега: Заеднички коктел за Македонија и Албанија по првата меѓувладина конференција

Попладнево во седиштето на ЕУ во Брисел се организира заеднички коктел на Македонија и Албанија по одржувањето на Првата меѓувладина конференција.

На коктелот присуствуваат премиерите на Македонија и Албанија, Димитар Ковачевски и Еди Рама, како и членови на двете владини делегации и новинари од двете земји.

Рама не изневери на својот имиџ и повторно се појави во спортска варијанта со бели патики.

-Не треба да летаме во воздух, рече премиерот на Албанија на заедничкиот коктел. Тој му се заблагодари на еврокомесарот за проширување Оливер Вархеји за неговиот вложен труд од почетокот на мандатот.

Премиерот Димитар Ковачевски исто така се заблагодари на комесарот Вархеји и на граѓаните на Македонија.

-Ќе покажеме дека како што брзо се интигриравме во НАТО, брзо ќе се интегрираме и во ЕУ, рече Ковачевски пред присутните на заедничкиот коктел.

Извор / Фото: Локално

Share on Facebook

Tweet

Follow us

Save