Почува самитот на лидери на Г7: Се очекува зголемен притисок врз Русија
Германскиот канцелар Олаф Шолц денеска ќе ги пречека лидерите на групата најразвиени светски демократии на почетокот на тридневниот самит на Баварските Алпи, во сенка на војната во Украина и нејзините последици како што се поскапувањето на енергенсите и храната.
Самитот се одржува во Елмау, со многу помрачен тон отколку кога лидерите на Велика Британија, Канада, Франција, Германија, Италија, Јапонија и САД се состанаа за првпат од почетокот на пандемијата со Ковид-19 минатата година.
Глобалниот пораст на цените на енергијата и храната, една од последиците на војната во Украина, негативно влијае на економскиот раст.
Се очекува лидерите на Г7 да покажат единство во поддршката на Украина и да продолжат да вршат притисок врз Кремљ онолку долго колку што е потребно, иако ќе избегнат санкции кои би можеле да ја поттикнат инфлацијата и да го отежнат животот на нивните граѓани.
-Главната порака треба да биде да се држиме заедно дури и во тешки времиња, најави претставникот на ЕУ.
На самитот се очекува лидерите на Г7 да договорат забрана за увоз на злато од Русија. Тие, исто така, ќе разговараат за мерките за спречување на порастот на цените и за замена за руската нафта и гас.
ПОВРЗАНИ ВЕСТИ
Лавров: Москва е подготвена на преговори со…
Москва е подготвена за преговори за решавање…
Медведев повторно се заканува: Директен конфликт меѓу…
Директен конфликт меѓу Русија и САД, доколку…
Лавров: Русија не се задоволува со примирје…
Русија нема да прифати само воспоставување примирје…
Орбан е сигурен: Војната во Украина ќе…
Вооружениот конфликт во Украина ќе заврши во…
(Видео) Осум дронови нападнаа станбени згради во…
Локалните власти соопштија дека осум беспилотни летала…