По Норвешка, и Данска размислува да ја пpeкине вакцинацијата против ковид кај деца

Данските педијатри ја повикуваат данската здравствена управа да разгледа дали треба да продолжи да ја препорачува вакцината COVID-19 за децата во Данска. Ова доаѓа откако норвешките здравствени власти соопштија дека нема да ги препорачаат за деца на возраст од 5 до 11 години, пренесува Еуроактив

Одлуката на Норвешка се заснова на најновите податоци на Омикрон, додека Данска сè уште ги заснова своите препораки за детска вакцина на варијантата Делта, рече педијатарот Клаус Биркелунд Јохансен, претседател на Данското педијатриско друштво.

Според Јохансен, Националниот одбор за здравство треба да ја преиспита ефикасноста на вакцинирањето на децата во светлината на новата варијанта Омикрон.

„Кога земјите кои се споредливи со Данска ги гледаат истите податоци и доаѓаат до различни заклучоци, можам да разберам зошто на данските родители им е тешко да одлучат што да прават“, рече тој.

Во Норвешка, здравствените власти нагласија дека вакцината е најрелевантна за деца со хронични заболувања или за деца во контакт со особено ранливи лица.

Данските здравствени власти не коментираа, но премиерот Мете Фредериксен даде неколку забелешки.

„Се разбира, властите постојано размислуваат што е најдобро да се направи, вклучително и кога станува збор за децата. Досега препораката од здравствените власти беше јасна и недвосмислена: вакцинирајте ги децата. И ако тоа се промени во одреден момент, властите, се разбира, ќе мора да им кажат на Данците за тоа“, рече Фредериксен.

Севкупно, 27,4% од оние на возраст од 5-11 години се целосно вакцинирани во Данска, додека 41,1% го примиле само првото вакцинирање.

Share on Facebook

Tweet

Follow us

Save