Приведени седум возачи на територија на СВР Тетово за пребрзо возење, регистрирана брзина и од 193 километри на час

Полициски службеници при СВР Тетово вчера извршиле контрола за пречекорување на максималната дозволена брзина на движење, при што биле констатирани 128 прекршоци, о кои 67 во Тетовско и 61 во Гостиварско. За време на контролата по член 297А – безобѕирно управување на моторно возило од слобода биле приведени седум лица, соопшти МВР.

На автопатот Скопје-Тетово, кај наплатна станица Желино, е приведен М.Б.(47) од тетовското село Челопек, тетовско, затоа што управувал патничко возило „ровер“ со швајцарски национални ознаки со брзина од 178 км/час на место каде што дозволената брзина е 100км/час. На истото место од слобода била лишена Р.А.(42) од Тетово, која управувала патничко возило „пежо“ со тетовски регистарски таблички со брзина од 172 км/час. Кај наплатната станица Желино е приведен и А.А.(33) од с.Раковец, затоа што управувал патничко возило „ауди“ со тетовски регистарски таблички со брзина од 193 км/час. На автопатот Скопје-Тетово, пак, кај местото „Студена вода“ се приведени В.З.(24) од с.Желино, тетовско, затоа што управувал патничко возило „ауди“ со тетовски регистарски ознаки со брзина од 179 км/час на место каде што дозволената брзина е 100 км/час и С.Ш.(30) од Тетово затоа што управувал патничко возило „фолксваген голф“ со скопски регистарски ознаки со брзина од 177 км/час.

На патот Тетово-Гостивар, кај наплатна станица Гостивар, од слобода бил лишен А.М.(42) од Скопје затоа што управувал патничко возило ,,бмв“ со скопски регистарски ознаки со брзина од 171 км/час на место каде што е дозволено 80 км/час и Н.Б.(54) од Охрид затоа што управувал патничко возило „фолксваген пасат“ со охридски регистарски таблички со брзина од 165 км/час. Лицата биле задржани во полициска станица и по документирање на случаите, против нив ќе бидат поднесени соодветни пријави по член 297а од Кривичниот законик, наведуваат од МВР.

Share on Facebook

Tweet

Follow us

Save