Пронајдено е решение за математички пpoблем стар повеќе од два века
Математичкиот проблем кој настанал пред 243 години, а кој никој до денес не успеал да го реши, бил решен само со помош на квантна спојка, утврдиле научниците.
Математички проблем, кој наликува на судоку „на стероиди“. тој е познат како Ојлеров проблем или Ојлерови квадрати. Името го добило по Леонард Ојлер, швајцарскиот математичар кој го замислил во 1779 година, во време кога живеел и работел во Санкт Петербург.
Задачата е следна: командувате со армија од шест полкови. Секој полк има шест различни офицери кои имаат шест различни чинови. Тие треба да бидат наредени на квадрат шест по шест, така што ниту еден чин или полк не се повторува во ниту еден ред или колона.
Самиот Ојлер не можеше да ја реши таа задача , а подоцнежните обиди беа неуспешни, дури и со помош на компјутер.
Сепак, научниците сега пронајдоа ново решение. Како што е објавено во една научна студија во „Quantum Magazine“, можно е да се најде такво решение со кое офицерите се распоредуваат така што чиновите и полковите не се повторуваат во редови и колони доколку офицерите се во состојба на квантно спојување .
Научниците велат дека квантните објекти можат да бидат во неколку можни состојби во исто време, додека не се извршат нивните мерења (што е прикажано преку експериментот „Шредингерова мачка“ во кој мачката е затворена во кутија со радиоактивен отров и може да се смета за мртва и жив, додека не се отвори кутијата).
Во проблемот на Ојлер, секој офицер има статичен полк и чин. Тие можат да бидат, на пример, поручник во Црвениот полк или капетан во Синиот полк. Сепак, квантен офицер може да биде во повеќе од еден полк во исто време или да има повеќе од еден чин. Така, еден офицер може да биде или поручник на Црвениот полк или капетан на Синиот полк или мајор на Зелениот полк.
Клучот за решавање на проблемот на Ојлер е офицерите на квадрат шест по шест да бидат во состојба на квантно спојување во кое статусот на еден објект информира за состојбата на друг.
Научниците, предводени од Адам Бурхарт од Јагелонскиот универзитет во Полска, со користење на многу моќни компјутери докажаа дека пополнувањето квадрати со квантни офицери може да ја реши оваа задача. Како што беше објаснето, спојката има своја шема, па офицерите се поврзани само со соседниот офицер и неговиот чин и полк.
Научниците наведуваат дека квантното спојување на 36 офицери во состојба на меѓузависни односи може да се нарече апсолутно поврзана состојба . Ваквата ситуација, како што велат, е многу важна во развојот на квантните компјутери, така што податоците би биле безбедни дури и во случај на компјутерска грешка, пишува „Livescience“.
