Професорот Калајџиев: Нема пречка притворите од различни постапки да се засметаат во затворската казна на Јанакиески
Професорот по кривично процесно право од Правниот факултет Јустинија Први во Скопје, Гордан Калајџиев, на Фејсбук објасни дека нема законска пречка притворите од различни постапки да се засметаат во затворската казна на Миле Јанакиески.
-Нема вистинска пречка притворите од различни постапки на осудениот да му се засметаат во правосилна казна; повеќето (ограничени) правници ќе тврдат дека тоа не е предвидено во закон! Законите се пишуваат по претпоставка еден обвинет една постапка. Ако случајот е комплексен (inter alia еден обвинет 10 постапки, решенијата ги бараме во правните принципи (R. Dworkin). Принципот на правичност бара фер компензација (restitutio in integrum). – напиша Калајџиев на Фејсбук.
