Пукање во Сараево, полицијата во потрага по двете криминални групи

Во полицијата во кантонот Сараево било пријавено дека имало пукање во населбата Храсно, поради што веднаш излегле на терен. Очевидци јавуваат дека се работи за пресметка на двe групи кои пукале од автомобили во движење.

Како што раскажуваат шокираните жители на Храсно, виделе пукање од сив теренец „мерцедес“ и „голф“. Според нивната изјава, актерите се движеле по улицата Азиза Шаќирбеговиќ од бензинската пумпа „Селекс“ во правец кон Босмал, а потоа свртеле во спротивна насока.

Жителите тврдат и дека во „голфот“ имало маскирани лица, односно имале фантомки на главите.

Од полицијата потврдија дека пукањето кај нив било пријавено, но без детали. Дел од специјалците ги бараат актерите во оружениот инцидент.

Неофицијално, оштетени се неколку објекти во околината, а се уште нема информации за повредени.

Share on Facebook

Tweet

Follow us

Save