Путин и Ким разговарале два часа: Разменија милионски подароци, лимузина, уметнички дела, бисти

Рускиот претседател Владимир Путин и севернокорејскиот претседател Ким Јонг Ун денеска разменија подароци за време на посетата на Путин на Пјонгјанг, каде што двајцата лидери го потпишаа Сеопфатниот договор за стратешко партнерство меѓу двете земји.

На севернокорејскиот лидер му беше подарена нова лимузина Аурус и сет за чај, додека претседателот Путин доби неколку уметнички дела, вклучувајќи слики и бисти, објави руската новинска агенција Тас.

„Се разменија подароци“, изјави Јуриј Ушаков, помошник на претседателот на Русија.

Тој рече дека на лидерот на Северна Кореја му подариле автомобил Аурус и му дале многу убав сет за чај.

Зборувајќи за тоа што севернокорејската страна му го предаде на шефот на руската држава, Ушаков истакна дека тоа се „исто така добри подароци“.

Тој не кажа што точно добил Путин како подарок, но навести дека подароците се поврзани со ликот на рускиот претседател.

Разговорите меѓу Путин и Ким Џонг Ун траеја подолго од планираното.

Организаторите за оваа средба одвоија околу еден час, но таа траеше околу два и пол часа, пренесе Тасс.

Членовите на руската делегација генерално не беа вклучени во овој разговор, иако Ушаков претходно изјави дека ќе бидат поканети, доколку има потреба.

Низ панорамскиот прозорец на една од собите на резиденцијата Кумсусан, новинарите можеа да видат, како што пренесува репортерот на руската агенција, дека руските службеници повремено влегуваат во чекалната за да присуствуваат на разговорот.

Меѓу нив беа министерот за надворешни работи Сергеј Лавров, министерот за екологија и природни ресурси Александар Козлов, кој ја предводи руската меѓувладина комисија, како и првиот вицепремиер Денис Мантуров.