Путин по разговорот со Трамп одржа состанок со рускиот Совет за безбедност

Рускиот претседател Владимир Путин одржа состанок со постојаните членови на Советот за безбедност веднаш по телефонскиот разговор со претседателот на САД, Доналд Трамп, објави помошникот на претседателот Јуриј Ушаков.

„Синоќа, веднаш по телефонскиот разговор со американскиот претседател Доналд Трамп, претседателот Владимир Владимирович Путин ги собра постојаните членови на Советот за безбедност во Кремљ и детално ги информираше за содржината на разговорот“, рече Ушаков.

Потсетуваме дека вчера, Трамп и Путин го одржаа својот осми и најдолг телефонски разговор од почетокот на вториот мандат на американскиот лидер.

Ушаков кратко по разговорот објави дека разговорот се фокусирал на украинската криза.

Американскиот лидер ја објави својата намера да се сретне со рускиот претседател Владимир Путин во Будимпешта.

Во исто време, унгарскиот премиер Виктор Орбан објави дека разговарал со Трамп и дека подготовките за самитот се во тек.

Share on Facebook

Tweet

Follow us

Save