Путин: Русија е подготвена за преговори – го направивме првиот чекор

Рускиот претседател Владимир Путин објави дека е информиран за резултатите од преговорите во Саудиска Арабија. Како што истакна, му било кажано дека средбата на руската и американската делегација била пријателска.
Путин позитивно ги оценува резултатите од преговорите во Ријад.
Не се потребни посредници меѓу Русија и Америка, посочи рускиот лидер. Што се однесува до дијалогот со Европа и Киев – Русија никогаш не била против, посочи рускиот лидер.
Тие, како што нагласи, се оние кои или прекинаа или забранија контакти.
„Русија е подготвена да се врати на преговарачка маса во врска со Украина“, рече рускиот лидер.

Тој додаде дека нема причина за негативна реакција на Европа на американско-руската средба, бидејќи Американците продолжуваат да разговараат за Украина со Европејците.
Според неговите зборови, американскиот претседател Доналд Трамп во телефонски разговор рекол дека Вашингтон претпоставува дека Русија и Украина ќе учествуваат во преговорите.
„Што се однесува до преговарачкиот процес, ми рече Трамп за време на телефонскиот разговор, можам да го потврдам тоа, дека САД претпоставуваат дека Русија и Украина исто така ќе учествуваат во преговорите. „Никој не ја исклучува Украина од тој процес“, рече тој.
Русија го направи првиот чекор во соработка со САД, во различни правци, каде што има взаемен интерес, вклучително и Блискиот Исток, посочи тој.
Тој исто така рече дека Русија и САД работат на економски прашања, прашања за енергетските пазари, вселената и други.

Share on Facebook

Tweet

Follow us

Save