INFOMAX.MK

БРИКС не е воен сојуз, туку платформа за развивање позиции засновани на суверенитет и меѓусебно почитување, изјави рускиот претседател Владимир Путин на отворањето на Меѓународната парламентарна конференција „Русија-Латинска Америка“ во Москва.

„БРИКС е организација, а не некаков воен сојуз. „Тоа е едноставно платформа за координирање на позициите и развивање заемно прифатливи решенија засновани на суверенитет, независност и меѓусебно почитување“, рече Путин.

Русија и земјите од Латинска Америка традиционално имаат главно исти ставови за меѓународните односи и се стремат кон мултиполарен светски поредок, рече Путин.
Тој додаде дека се залага Латинска Америка да биде силна, независна и успешна, а Русија е подготвена да гради соработка со неа.
Путин нагласи дека Русија ќе настојува да воспостави врски меѓу Латинска Америка и Евроазиската економска унија и ја поддржува аспирацијата на голем број земји од регионот да се приклучат на БРИКС како полноправни партнери.

„Ќе им помогнеме на овие структури да воспостават врски со Евроазиската економска унија во практична смисла, да ги споредиме пристапите за актуелните прашања од трговската политика, тарифното регулирање, стимулирањето на инвестициите и трансферот на технологија. И, се разбира, Русија ги поздравува намерите на голем број земји од Латинска Америка да се приклучат на активностите на БРИКС како полноправни членки и партнери“, додаде рускиот лидер.
Членови на БРИКС се Бразил, Русија, Индија, Кина и Јужна Африка. На самитот во Јоханесбург во август оваа година беше објавена одлуката да се поканат Аргентина, Египет, Иран, Етиопија, ОАЕ и Саудиска Арабија да станат полноправни членки на организацијата од 1 јануари 2024 година.