Путин со честитка за 1 Мај: Овој ден има долга традиција во Русија

Рускиот претседател Владимир Путин им ги честиташе на Русите и на Сојузот на независни синдикати на Русија пролетниот и празникот на трудот и истакна дека овој празник во Русија има голема и богата традиција, објавено е на веб-страницата на Кремљ.

„Први мај во нашата земја има долга и богата традиција, која се заснова на љубовта кон креативната работа, почитувањето на професионалните достигнувања на експертите и колективните достигнувања. И денес зборовите на благодарност се однесуваат на сите оние кои лично придонесуваат за развојот на државата и општеството, за зајакнување на економијата, индустријата и социјалната сфера“, се наведува во текстот.

Рускиот претседател додаде дека во тој процес посебна улога има Федерацијата на независни синдикати на Русија, која е најголема руска синдикална асоцијација. Според него, учествува во подобрувањето на законската регулатива и механизмите на социјалното партнерство, како и во решавањето на прашања кои се директно поврзани со подобрување на квалитетот на животот на луѓето.
Путин на сите им го честиташе празникот и им посака успех, благосостојба и се најдобро во животот.

Share on Facebook

Tweet

Follow us

Save