Пуштија дел од автопатот Кичево-Охрид, но не ги изградиле пристапните патишта – жители на неколку населени места се „отсечени“ од светот

Пуштија дел од автопатот Кичево-Охрид, но не ги изградиле пристапните патишта па на жителите на неколку населени места им е отежнато или оневозможено да воспостават врска со автопатот.

Ова на социјалните мрежи го објави градоначалникот на Општина Дебрца, Зоран Ногачески.

– По вчерашното пуштање во употреба на дел од Автопатот Кичево-Охрид, делницата Врбјани-Ботун,по нивно барање денес остварив средба со група граѓани од населените места Песочани, Ново Село и Црвена Вода,кои истакнаа дека се засегнати со пуштањето на делницата,бидејќи поради неизграденоста на пристапните патишта им е оневозможена или отежната врската на нивните села,односно живеалишта со автопатот.

Како локална самоуправа ја разбираме нивната загриженост и уште еднаш апелираме до Јавното претпријатие за државни патишта,како инвеститор и изведувачите што е можно најбрзо да ги изградат помошните ,односно пристапните патишта,како би се овозможило безбеден и непречен пристап на засегнатите жители од Автопатот до нивните населени места и обратно. – објави градоначалникот на Фејсбук.

Share on Facebook

Tweet

Follow us

Save