Разбиена криминалната мрежа која заработила 427.000 евра од криумчарење мигранти

Шпанската и француската полиција денеска соопштија дека во заедничка акција разбиле мрежа за трговија со луѓе, која илегално превезувала мигранти од Шпанија во Франција, заработувајќи и до 427.000 евра.

Членовите на оваа банда на мигрантите им нуделе превоз од Шпанија до Франција без документи, а француските власти веруваат дека групата заработила од 250.000 до 427.000 евра за транспорт на 1.700 мигранти.

Полицијата на двете земји во соработка со ЕВРОПОЛ приведе вкупно 19 осомничени, од кои 15 во Франција и четворица во Шпанија, пренесува Расон.

Полицијата при претрес на објекти во двете земји запленила и моторен чамец, пари, наркотици и бројни документи, јавува Танјуг.

Share on Facebook

Tweet

Follow us

Save