Рама: Косово да прифати сè што се бара од него од страна на ЕУ и САД!

Албанскиот премиер Еди Рама во интервју за „Национал“ изјави дека властите во Косово треба да направат сè што меѓународната заедница бара од нив и оцени дека споредувањето на ЗСО со Република Српска е „изборен мит кој нема врска со реалноста“.

„Не е мое да бидам коментатор или аналитичар на она што се случува на Косово, но едно знам дури и по цена да бидам нападнат како предавник од онлајн армијата на Косово. И не ми е гајле. Да беа сите тие се предавници како мене, денес ќе беше Косово во Советот на Европа“, рече Рама и додаде дека ќе избрал друга стратегија за преговори со Србија.

„Косово нема дијалог со Србија. Тоа им го кажав на сите ваши лидери. Косово води дијалог со ЕУ. Косово нема цел да се интегрира во ЕУ, Косово има цел да влезе во ЕУ и да стане членка на Семејството на Западот, имајќи предвид дека истокот е Русија.

Како што наведе, доколку ја определил стратегијата и тактиката на преговорите, ќе исполнел сè што се барало.

„И јас би рекол дека го направивме нашиот дел, сега одете да се справите со другите таму. Со тоа што го направи спротивното, Косово ја поврза својата судбина со Србија, ова можеби е добра тактика за електоратот одвнатре, но од аспект на поглед на меѓународната субјективност, тоа не е продуктивно“, вели Рама.

Изјавата на новинарот дека на Косово постои страв дека ЗСО ќе создаде нова Република Српска, премиерот на Албанија ја оценува како „изборен мит“. Тој оценува дека доколку Приштина веднаш го прифатела нацрт-статутот на ЗСО, подоцна немало да има промени.

„Колку повеќе малите инсистираат да кажат не, не, не, толку повеќе големите ќе те принудат да прифатиш повеќе. Зборувам за меѓународната констелација, тоа се ЕУ и САД“.

Само Курти може да го собори Курти

Одговарајќи на прашање за членството на Косово во Советот на Европа, тој подвлече дека „го почитува фактот што со Косово не управува Албанија, туку Курти“.

„Никогаш немав амбиција да се занимавам со политика на Косово, ниту да му покажам на Косово дека татко ти е тука во Тирана. Едноставно се обидов да му покажам на Косово дека ние од Албанија го гледаме тоа најдобро. Ние не сме партија во Косово“, вели тој.

Тој додава дека нема намера да „се меша во неговата партија“ ниту во Косово, ниту во Македонија.

„Албин е професионален опозиционер. Го чекам денот кога Албин ќе протестира против сопствената влада. Единствениот што може да го собори Албин Курти е Албин Курти. Револуционерната желба не го исполнува и оди во Македонија, доаѓа во Албанија. Дента кога дојде да ги претстави кандидатите, со мене јадеше шпагети. И пак ќе јаде кога ќе дојде да ги претстави кандидатите. Албанците често ми кажуваат како можеш така да се однесуваш со твојот помал брат. Тоа го прави и помалиот брат и вие немате врска со него“, вели Рама.