Реакција на Правда за укинатата пресуда за „организаторите на 27 април“: Пропустите остануваат пракса

Првостепниот суд не ги утврдил правилно и со сигурност сите решителни факти по однос на преземените процесни дејствија кои го исклучуваат кривичното гонење во смисла на член 416 став 1 точка 3 в.в со член 113 од Кривичниот законик, се наведува во соопштението од Апелација.

Очигледно е дека намерните или ненамерните пропусти за суштествени повреди и натаму остануваат дозволива пракса за некои судии. Затоа, неопходно е веднаш да се добие соодветен одговор, зошто ова се дозволува во континуитет, експресно реагираше Министерството за правда за одлуката на скопскиот Апелациски суд да ја укине пресудата за организаторите на настаните од Собранието од 27 април.

Оттаму бараат одговор, зошто во првостепената пресуда не биле утврдени сите спорни околности, ниту, како пто се наведува во соопштението, битни факти поврзани со кривичното дело „терористичко загрозување на уставниот поредок и безбедноста“.

„Го повикуваме со најдобра намера Судскиот совет веднаш да реагира и да преземе мерки за утврдување на околностите врз основа на кои е донесена пресудата, да се поведе постапка вклучувајќи ја и дисциплинска ако се уврди дека некои свесно или несвесно со своите постапки дозволиле довербата во правосудниот систем да падне на најниско ниво“, се наведува во соопштението на Министерството за правда.

Share on Facebook

Tweet

Follow us

Save