Ричард Никсон пред 30 години ја предвидел војната во Украина: “Босна ќе биде мачкина кашлица…”

Поранешниот американски претседател Ричард Никсон го предвидел конфликтот во Украина, за што пишувал во писмото до тогашниот американски претседател Бил Клинтон во 1994 година, објави „Волстрит џурнал“.

Имено, Никсон го напишал писмото по враќањето од двонеделната посета на Русија и Украина, а содржината на текстот била тајна речиси 30 години.
„Ситуацијата во Украина е исклучително експлозивна. Ако излезе од контрола, ситуацијата во Босна за неа ќе биде мачка кашлица“, предупреди Никсон во писмото.

Тој смета дека американските дипломати не посветуваат доволно внимание на украинското прашање.
„Со оглед на извонредната важност на Украина, ве замолувам веднаш да го зголемите нашето дипломатско присуство во Киев“, инсистираше Никсон.
Ричард Никсон е американски политичар и државник, 36-ти потпретседател и 37-ми претседател на САД.

Share on Facebook

Tweet

Follow us

Save