INFOMAX.MK

Донесувањето одлуки во Уставниот суд на Босна и Херцеговина без учество на Срби или кој било друг државотворен народ на Босна и Херцеговина е пат кој води до уништување на дејтонската структура и, што е особено опасно, до потенцијален конфликт, изјави портпаролот на постојаната мисија на Русија во ОН, Фјодор Стржижовски.

„Денеска Русија го покрена прашањето за опасната ситуација околу Уставниот суд на БиХ во Советот за безбедност на ОН. „Поради провокативни измени на правилата за работа, Република Српска е исклучена од процесот на одлучување“, рече Стржижовски.

Како што истакна, продолжувањето на работата на тројца странски судии во Уставниот суд на Босна и Херцеговина е анахронизам.

„Сите овие чекори се вклопуваат во политиката на западните земји да го задржат статусот на протекторат во БиХ, меѓу другото и преку нелегитимниот Кристијан Шмит, кој не доби одобрение од Советот за безбедност на ОН. Сепак, ние сме убедени дека народите на Босна и Херцеговина имаат право сами да преговараат за идниот вектор на развојот на нивната земја, без надворешна контрола, врз основа на меѓусебно почитување и барање компромиси“, рече рускиот дипломат.