Русија: Одговорот за украинскиот напад на Кремљ ќе биде таков што веќе нема да посакаат да го повторат

Одговорот на Русија на нападот со украински беспилотни летала врз Кремљ ќе биде таков што тие што го направија тоа нема да повторат такво нешто повеќе, изјави шефот на руската делегација на преговорите за вооружување во Виена, Константин Гаврилов.

„Одговорот ќе дојде. Раководството работи на тоа, а јас целосно се согласувам со шефот на руската Државна дума, Вјачеслав Володин, дека одговорот на Русија мора да биде толку обмислен што тие што го организираа нема да посакаат да повторуваат ништо слично, ниту Киев, ниту нивните ментори. Одговор ќе има, но така што сите го паметат“, рече тој.

Гаврилов додаде дека повиците кои доаѓаат од различни страни да се „искористи сè што е во воената моќ на Русија“ во тој воен одговор, бидејќи постои воена доктрина кога се користи нуклеарно оружје, не се основани.
„Повиците за употреба на нуклеарно оружје во такви случаи се несоодветни“, додаде тој.
Да потсетиме дека прес-службата на Кремљ објави дека во текот на ноќта на 3 мај, режимот на Киев се обидел да изврши напад со беспилотно летало врз резиденцијата на рускиот претседател Владимир Путин во Кремљ. Два авиони се онеспособени, а во нападот нема жртви или материјална штета. Претседателскиот портпарол Дмитриј Песков подоцна изјави дека претседателот во тоа време не бил во Кремљ.

Share on Facebook

Tweet

Follow us

Save