Русија трипати ја употреби хиперсоничната ракета Кинжал во Украина, вели Шојгу
Рускиот министер за одбрана Сергеј Шојгу изјави дека Русија во текот на „посебната воена операција” во Украина трипати употребила хиперсонична ракета Кинжал.
Тој говорејќи за руската државна телевизија истакна дека ракетите Кинжал се покажале како ефикасни во гаѓање на цели со висока вредност во трите случаи.
– Трипати ги употребивме за време на специјална воена операција. Трипати покажаа брилијантни карактеристики, истакна Шојгу.
Руското Министерство за одбрана претходно соопшти дека три воени авиони МиГ-31Е опремени со ракети Кинжал се дислоцирани во Калининградската област, руска енклава на балтичкиот брег, што се наоѓа помеѓу земји-членки на НАТО и на ЕУ, Полска и Литванија.
Ракетите Кинжал се дел од серијата ново хиперсонично оружје што рускиот претседател Владимир Путин гo претстави во 2018 година, истакнувајќи оти можат да погодат цели речиси секаде во светот и да го избегнат американскиот противракетен штит.
ПОВРЗАНИ ВЕСТИ
Нигеp ги пpекинува дипломатските односи со Укpаина
Нигер ги прекинува дипломатските односи со Украина…
Украина ја засилува својата ракетна програма, Зеленски…
Украина издвојува дополнителни средства за својата ракетна…
„Њујорк Тајмс“: Иран бара од Русија напредни…
Иранската влада побарала од Русија напредни радари…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…