Рускиот министер за одбрана Сергеј Шојгу во посета на Иран
![t](https://infomax.mk/wp-content/uploads/2023/09/sojgu-iran.png)
Рускиот министер за одбрана Сергеј Шојгу денеска ќе го посети Техеран, јави иранската државна новинска агенција Тасним, наведувајќи дека рускиот министер ќе се сретне со високи ирански претставници.
Откако западните земји воведоа санкции кон Русија по избувнувањето на конфликтот во Украина во 2022 година, Техеран и Москва ги продлабочија своите билатерални врски, особено во сферата на воената соработка, наведува Ројтерс.
Откако официјален Вашингтон побара од Техеран да престане да ѝ продава дронови на Москва, рускиот заменик-министер за надворешни работи Сергеј Рјабков минатиот месец изјави дека руската воена соработка со Иран „нема да потклекне под геополитичкиот притисок“.
Иран призна дека ѝ испорачал на Москва беспилотни летала, оградувајќи се дека тоа се случило пред избувнувањето на конфликтот во Украина во февруари 2022 година, додека официјална Москва негираше дека нејзините сили користеле ирански беспилотни летала за време на конфликтот во Украина.
ПОВРЗАНИ ВЕСТИ
„Њујорк Тајмс“: Иран бара од Русија напредни…
Иранската влада побарала од Русија напредни радари…
Ерусалим пост го цитира иранскиот МНР: ИРАН…
Иран одлучи да го нападне Израел, изјави…
САД ќе испратат борбено засилување на Блискиот…
Американската војска ќе распореди дополнителни борбени авиони…
Иран крена црвено знаме над џамијата, еве…
ИРАН го крена црвеното знаме на одмазда…
СИЛЕН ЗЕМЈОТРЕС ВО ИРАН: Најмалку 4 лица…
Најмалку четири лица загинаа, а 120 се…