Руските средношколци ќе имаат задолжителна обука за ракување со борбени дронови

Сите руски средношколци ќе ги учат основите за ракување со борбено беспилотно летало, соопшти денеска британското Министерство за одбрана во најновиот разузнавачки извештај, пренесе blic.rs.

„Рускиот сенатор (Амурски регион) Артем Шејкин објави дека во лекциите ќе има насоки како да се спроведе теренско набљудување и начини за спротивставување на непријателските беспилотни летала“, соопшти Министерството.

Лекциите поврзани со беспилотни летала комбинираат обука со пушки, рачни гранати и борбена прва помош во ревидираната наставна програма „Основи на безбедноста на животот“.  за учениците од 10-то и 11-то одделение што ќе стапи во сила од 1 септември“, се вели во извештајот објавен на „Твитер“.

„Одлуката на Русија за воведување воена обука за деца во голема мера е обид да се негува култура на милитаризиран патриотизам наместо да се развиваат вистинските способности. „Сепак, додавањето на обука со беспилотни летала покажува како Русија ја идентификуваше употребата на тактичките дронови во Украина како постојана компонента на модерното војување“, се додава во извештајот од 24 јули.

Share on Facebook

Tweet

Follow us

Save