INFOMAX.MK

Американскиот секретар за одбрана Лојд Остин вчера телефонски му рекол на турскиот колега Хулуси Акар дека „остро се противи“ на нова турска воена операција во Сирија и изразил загриженост поради ескалацијата на ситуацијата во земјата, соопшти прес-службата на Пентагон. И Русија пред една недела се обиде да ја убеди Турција да не ја напаѓа Сирија.

Остин изрази сочувство за терористичкиот напад што го потресе Истанбул на 13 ноември.

Тој, исто така, изрази загриженост за ескалацијата на непријателствата во северна Сирија и Турција, вклучително и неодамнешните воздушни напади, од кои некои директно ја загрозуваат безбедноста на американскиот воен персонал кој работи со локалните партнери во Сирија за да ја порази Исламската држава, се вели во соопштението на Пентагон.

„Министерот Остин повика на деескалација и изјави дека Министерството за одбрана на САД категорично се противи на спроведување на нова турска воена операција во Сирија“, додава прес-службата.