Се запали Боинг со 235 луѓе во него по полетувањето од Лос Анџелес

Патнички авион во петокот се запали кратко по полетувањето од Меѓународниот аеродром во Лос Анџелес, а во него имаше 226 патници и 9 членови на екипажот.

Се појави снимка на која се гледа застрашувачкиот момент кога се запали моторот на Боингот 767 на Делта ерлајнс, кој летал кон Атланта.

Пилотите мораа да го свртат авионот и да се вратат поради проблем со левиот мотор, објави претходно Делта ерлајнс.

Авионот на крајот слета безбедно и се упати кон излезот. Во тој момент немаше повеќе пожар. Патниците можеа нормално да излезат од авионот.

Пожарникарите го прегледаа авионот како мерка на претпазливост. Во тек е истрага за да се утврди што тргнало наопаку. Авиокомпанијата нагласи дека патниците биле превезени до нивната дестинација со друг авион.

Share on Facebook

Tweet

Follow us

Save