INFOMAX.MK

Претседателот на Собранието Талат Џафери изјави дека случајот со Клиниката за онкологија не смее да помине неказнето и дека верува дека судската власт ќе ја потврди довербата која ѝ е делегирана.

-Последната вест со Клиниката за онкологија е потврда за девијација и губење на хуманоста помеѓу нас. Не смееме да бидеме слепи и глуви, не смее ова да помине неказнето. Верувам дека судската власт ќе ја потврди довербата што и е делегирана од сите нас, изјави Џафери.

Тој во своето обраќање за Денот на независноста рече дека е време да се радуваме на убави и позитивни вести.

-За тоа да биде така крајно време е сите да бидеме одговорни, со бистар поглед и јасна визија за иднината која не смее да им друг правец освен тој на владеење на правото почитување на правата и обврските на сите граѓани на Република Македонија која е заеднички дом на сите, да ја чуваме да ја развиваме и унапредиме за нас за нашите граѓани и за сите идни генерации, кои својата иднина ја гледаат таму каде што природно и припаѓаат во Република Македонија полноправна членка на НАТО и ЕУ, изјави Џафери.