INFOMAX.MK

Куче гладно за пари ги полуде сопствениците откако изеде 4.000 долари што ги оставиле за да му платат на мајстор.

Сесил, златен дудл (мешавина од ретривер и пудлица) од Пенсилванија, стана популарен на Интернет затоа што џвакаше плик полн со пари. Клејтон и Кери Лоу успеале да ги залепат повеќето од искинатите пари, додека Сесил ги повратил поголемиот дел од парите кои ги изел. Успеале да ги сменат парите во банка, но останале без 450 долари.

Иако биле бесни на Сесил, тие воедно биле и загрижени за неговото здравје, но ветеринарот ги смирил, велејќи им дека нивното алчно куче ќе биде добро.

На почетокот на декември, Клејтон Лоу оставил плик со 4.000 долари за мајсторот кој им правел кујна во домот во Питсбург, Пенсилванија. Тој и неговата сопруга морале да му платат на изведувачот, но околу половина час подоцна, бил шокиран кога открил дека неговото куче уживало во најскапиот оброк во својот живот, оставајќи расфрлани парчиња искинати пари.