Сопругите на војниците од Азовстал: Украинци ги предадоа нашите мажи, еден контактира со Русите

„Зборував со Дмитро синоќа“, вели Хана Науменко, свршеницата на Дмитро Данилов (29). Врската била ужасна, па парот комуницирал преку СМС. „Тој напиша дека им останал само ориз и дека се обидуваат да направат некакво брашно.“

Жените разговараале и со папата Франциско оваа недела, надевајќи се дека тој ќе може да интервенира. „Тој рече дека сака да подготви хуманитарен коридор за Азовстал, но Путин не сакаше да ги пушти војниците“, рече Јулија Федосиук, чиј сопруг Арсениј Федосиук (29) е наредник во Азов.

„Зборував со мојот сопруг синоќа“, рече Катерина Прокопенко, мажена за потполковник Денис Прокопенко (30). „Тој рече дека јадел само еднаш и испил само една чаша вода. Тие се без храна, без вода“, додаде таа. „Тој е исцрпен. Зборува многу бавно“.

Олга Андријанова (31) ретко разговара со сопругот Серхи (26). „Тој е ранет“, вели таа. „Ми рече дека останале без лекови. Момчињата умираат бидејќи немаат соодветна медицинска нега. Раните им скапуваат“.

„Нашите сопрузи се едноставни луѓе, патриоти, а не неонацисти“, вели Јулија. „Тие ја сакаат својата земја и се борат за нашите заеднички вредности. „За многу Украинци, беше „леле“ што започна војната“, вели Јулија. „Но, ние се бориме во таа војна од 2014 година“, додаде таа.

Овие жени обвинуваат некои Украинци за предавство.

„Азов беше подготвен да биде опколен, но тие се надеваа дека украинските вооружени сили во градовите во близина на Мариупол ќе помогнат“, вели Јулија.

Таа дури сугерира дека Володимир Барањук, командант на 36-та поморска бригада на Украина во Мариупол, „имал блиски контакти со Русите“. Отпрвин беше објавено дека Барањук водел храбар обид да ја пробие опсадата во април, но Јулија вели дека реалноста е „дека тој се покажал како предавник и отишол во руско заробеништво дури и кога маринците сè уште имале оружје за борба“.

„Нашите сопрузи ќе се борат, ќе се борат до крај и ќе умрат таму“, вели Јулија. „Секој војник на Азов кој се предал во изминатите осум години бил мачен и убиен. Пред еден месец бил заробен еден војник. Русите снимале пропагандни видеа со него, потоа го мачеле и го убиле и го фотографирале неговото мртво тело и му го испратиле на мајка му. Затоа целиот свет треба да разбере дека заробеништвото не е опција за Азов“, вели таа за британски Телеграф.

Share on Facebook

Tweet

Follow us

Save