Со автомобил удрено 12 годишно дете во Скопје – МВР трага по возачот кој побегнал од местото на несреќата

Возач со автомобил во текот на вчерашниот ден удри во дете во близина на студентскиот дом Гоце Делчев, по што го напушти местото на несреќата.

Се работи за 12 годишно момче, кое се здобило со полесни повреди во ногата.

Од СВР Скопје за „Макфакс“ потврдија дека несреќата се случила на крстосница од улиците Московска и Женевска, а случајот бил пријавен вчера во 15 часот.

Пешакот потоа бил пренесен на Комплексот клиники „Мајка Тереза“.

Полицијата извршила увид на местото и трага по возачот на автомобилот.

Share on Facebook

Tweet

Follow us

Save