INFOMAX.MK

Во првите три месеци од годинава се откриени 20 случаи на криумчарење мигранти или нелегален влез на 2 654 лица, а кај сообраќајните незгоди и за бројот на жртви во сообраќајните незгоди имаме намалување за 3,6 проценти во споредба со истиот период од лани, рече министерот за внатрешни работи Оливер Спасовски, одговарајќи денеска на пратенички прашања.

Спасовски рече дека резултатите на МВР за 2022 година биле најдобрите во последните 30 години во работењето на ова Министерство.

-Во однос на заплената или спречувањето на трговијата со дрога имаме резултати за три месеци, односно запленето 1,56 килограми кокаин, 129 килограми марихуана и 6,5 килограми амфетамин запленето. Имаме дополнително 1,57 тони марихуана која што е во вредност од шест милиони евра. Впрочем, во оваа заплена на дрога е и вашата професорка по германски јазик во училиште во Аеродром, член на Избирачкиот одбор на ВМРО-ДПМНЕ во општина Аеродром на последните локални избори. Тоа се структурите коишто вие ги поддржувате и за кои се борите. Ако зборуваме за следен најнов случај, тоа е заплената на тие 100 килограми марихуана во коишто се лишени од слобода две лица блиски до раководството на ВМРО-ДПМНЕ. Вкупното намалување на криминалитетот е 12,26 проценти, рече Спасовски, посочувајќи му на пратеникот од опозицијата дека за тие резултати кога сака може да отвори расправа во Собранието и на друго место.

Во општина Прилеп, дополни Спасовски, за 12 години раководство на ВМРО-ДПМНЕ има 0,6-0,7 килограми марихуана запленето, за разлика од сега кога неколку стотини килограми се запленети токму таму. Или градоначалникот на СВР Скопје кога јас презедов раководење имаше ефикасност во работењето на откривачката дејност во Скопје 9 проценти или во превод само тие што не знаеле да се сокријат во Скопје во времето на ВМРО-ДПМНЕ беа фатени, остатокот беа сите во рамките на криминалот којшто го спроведувавте.