INFOMAX.MK

„Прво, ова е рамка која е усвоена на Европскиот совет, и ние сега зборуваме за една рамка која што е на Европската Унија. Да, била во времето на претседателството на Европскиот совет на Франција итн. меѓутоа ова е рамка за која што се говори“, вели Спасовски.

Ако ме прашате дали е идеален предлогот, Спасовски вели дека не е идеален.

„Дали може да биде подобар? Веројатно дека може да се разговара во делот на подобрувањето. Меѓутоа, дали имаме компромис во однос на одредени состојби и дали тоа се барало да се постигне, секако дека се постигнува. Најважно што е, никој апсолутно не смее и не може да преговара ниту за идентитетот ниту за македонскиот јазик во оваа држава. Ниту сегашна, ниту било која идна власт и тоа треба да ни биде јасно на сите. И ние апсолутно идентитетот, јазикот, културата, посебноста на македонскиот народ е нешто што мора да се заштити по секоја цена.

И нема разговори со никого, па нека биде тоа и Европската Унија, во делот на нашиот јазик и нашиот идентитет. Тоа е нешто што не се преговара и не може да се преговара никогаш понатаму. Другите прашања, треба да бидат решени во насока да се обезбеди ова првото. Македонскиот идентитет, македонскиот јазик, посебноста, нашата култура итн. и на крајот од краиштата ние сме тие кои што си го чуваме и нашиот идентитет и нашиот јазик и никој не може да ни го одземе, и никој не може да ни направи нешто што ќе допринесе кон губење кон нашата посебност. Така да секој еден од нас допринесува да го чува македонскиот јазик и македонскиот идентитет и на тоа сме горди, и на тоа ќе бидеме горди и во наредниот период“, изјави Спасовски во интервју за ТВ21.