Спасовски: Работна група проценува што од архивите на УДБА и на КОС може да биде отворено

Формирана е работна група од претставници на сите надлежни институции која проценува што од архивите на УДБА и на КОС може да биде отворено, а нема да им штети на македонските национални интереси, кажа за „Утрински печат“ министерот за внатрешни работи Оливер Спасовски. На новинарското прашање дали и кога Владата ќе ја спроведе европската препорака за отворање архиви од тајните служби на поранешниот режим како дел на борбата со криминалот и корупцијата, тој објасни оти станува збор за мошне чувствителна работа.

– Трагедијата на овој регион е што сите заедно премногу се занимаваме со историја… Ако имавме поголема храброст, во 90-тите да ги затвориме одредени прашања, немаше сега Бугарија да не уценува. Историските моменти мора да им се остават на историчарите. Но кога ќе дојдат вакви изборни циклуси многу е важно за политичарите да ги отворат овие емотивни теми.
Што се однесува до прашањето за отворањето на архивите, па ние имаме отворени архиви. Се што се наоѓа во Историскиот архив е отворено за граѓаните. Формирана е и работна група од претставниците на надлежни институции, тие работат на проценка и ќе се отвори се што не е на штета за македонски националени интереси – изјави министерот за внатрешни работи Оливер Спасовски.

Share on Facebook

Tweet

Follow us

Save