Средба Вучиќ-Ердоган: Разговаравме за проблемите кои некаде ги имаме заедно

Би сакал да му посакам добредојде на претседателот на Турција, убеден сум дека оваа посета ќе придонесе за натамошно унапредување на односите меѓу двете земји, изјави српскиот претседател Александар Вучиќ.

– Денеска во приватен разговор разговаравме за сите важни теми, како и за проблемите со кои Србија и Турција се соочуваат поединечно, но и некаде заедно – рече Вучиќ.

Како што рече, се разговарало за европскиот пат на Србија и Турција, како и за други теми.

– Дознав и научив многу работи – изјави Вучиќ.

Добри економски односи

Вучиќ рече и дека разговарале за економијата, трговската размена.

Претседателот Ердоган рече дека целта е да се постигне размена од 5 милијарди.

Вели дека Турција е земја со која се градат важни односи и додаде дека Турција е голема и важна земја на светско ниво.

Тој рече и дека ќе се воспостави воена соработка меѓу двете земји.

– Реков дека во Србија има места кои опстојуваат благодарение на турските инвестиции – изјави Ердоган.

Претседателот на Србија рече и дека се разговарало за ситуацијата на Балканот, а Ердоган јасно зборувал за политиката на Србија за почитување на меѓународното право, разговарале за Босна и Херцеговина и нејзиниот суверенитет.

Вучиќ додава дека им е благодарен на Турција и на Ердоган за разбирањето, „и што сакаа да ги слушнат“.

Share on Facebook

Tweet

Follow us

Save