INFOMAX.MK

Западната воена и финансиска поддршка за Киев го чини скапо нашето општество, но оваа поддршка е потребна, изјави во неделата генералниот секретар на НАТО Јенс Столтенберг во интервју за Велт ам Зонтаг.

„Зголемените сметки за храна и електрична енергија значат тешки времиња за многу домаќинства во Европа“, рече тој.
Сепак, европските земји, и покрај таквата цена, треба да продолжат да му обезбедуваат на Киев воени резерви, бидејќи „најдобар начин за одржување на мирот е да се поддржи Украина“, смета Столтенберг.

Генералниот секретар на НАТО особено ја истакна помошта од Германија која ја снабдува земјата со системи за противвоздушна одбрана и хаубици. „Оружјето од Германија спасува животи“, нагласи тој.

Руската Федерација претходно испрати нота до земјите на НАТО поради испораката на оружје за Украина. Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија. Министерството за надворешни работи на Руската Федерација соопшти дека земјите од НАТО „играат со оган“ со тоа што и доставуваат оружје на Украина. Прес секретарот на претседателот на Руската Федерација Дмитриј Песков истакна дека испумпувањето на Украина со оружје од Запад не придонесува за успехот на руско-украинските преговори и ќе има негативен ефект.