Струмица сама ќе ги реализира проектите за социјална населба и нов пазар ако Владата повторно не даде средства од унгарскиот кредит

Градиме целосно нова социјална населба со 118 станбени единици вели во гостување во Сител ТВ градоначалникот на Струмица, Костадин Костадинов.

– Дивоизградена населба која е проблем за самите граѓани коишто живеат таму, од влезот на Струмица, од булеварот „Климент Охридски“ ги дислоцираме во горниот дел од градот, којашто беше локација прифатлива и за нив и за Општината, објасни Костадинов.

Како што кажа градоначалникот со 26 станбени единици од овој проект Општината аплицира и за средствата од вториот повик за унгарскиот кредит.

– Граѓаните нема да плаќаат за тие станбени единици. Доколку Владата повторно не даде средства од унгарскиот кредит овој и другите проекти ќе се реализираат од средства на Општина Стумица.

Во врска со градскиот пазар Костадинов истакна дека целта е дислокација на постоечкиот пазар, со што ќе се развие пазарот во ТЦ Глобал, а пазарот има туристички потенцијал бидејќи и луѓе од соседните држави доаѓаат во Струмица. Локацијата каде моментално се наоѓа пазарот кој треба да се дислоцира ќе биде претворена во боемски парк со типски објекти, објасни Костадинов.

Share on Facebook

Tweet

Follow us

Save