Судот не го отфрли обвинението против синот на Бајден, му се закануваат 20 години затвор

Окружниот судија на САД, Марјелен Нореика во Вилмингтон пресуди против барањето на Хантер Бајден да отфрли две точки од обвинението за лажење за трошење нелегални наркотици при купување пиштол „Колт кобра“ од 2018 година и трета точка за нелегално поседување на оружјето.

Пресудата го отвора патот за судење закажано да започне на 3 јуни во Вилмингтон.

Хантер Бајден се изјаснил за невин.

Специјалниот обвинител Дејвид Вајс ги поднесе обвиненијата за нелегално оружје во септември.

Хантер Бајден е првото дете на актуелниот претседател кој е обвинет.

Доколку биде прогласен за виновен, се соочува со повеќе од 20 години затвор.

Републиканскиот кандидат Доналд Трамп, кој се обидува да се врати на претседателската функција на американските избори на 5 ноември, се соочува со четири свои кривични обвиненија.

Адвокатите на Хантер Бајден тврдат дека обвиненијата за оружје треба да бидат отфрлени од повеќе причини, вклучително и дека законот според кој Хантер Бајден беше обвинет е веројатно неуставен откако Врховниот суд на САД ги прошири правата за оружје во пресудата од 2022 година која постави построги нови критериуми за одредување на законитоста на ограничувањата на огненото оружје.

Адвокатскиот тим на Бајден, исто така, тврди дека Вајс не бил правилно назначен, дека Хантер Бајден бил селективно гонет и имал обврзувачки договор што го штител од гонење.

Хантер Бајден, исто така, се изјасни за невин за федералните даночни злосторства во посебен случај што го покрена Вајс во Калифорнија. Таму, доколку биде прогласен за виновен, се соочува со затворска казна до 17 години. Почетокот на тоа судење е закажан за 20 јуни.

Специјалниот обвинител го обвини Хантер Бајден дека не платил даноци од 1,4 милиони долари во периодот од 2016 до 2019 година и дека потрошил милиони долари на дрога, услуги за секс придружба, егзотични автомобили и други скапи предмети.

Американскиот окружен судија Марк Скарси во Лос Анџелес на 1 април го одби барањето на Хантер Бајден да го отфрли обвинението за даночно затајување.