Сѐ поизвесно е дека војната ќе трае и следната година?

Најавата на Украина дека ја пробила првата линија на одбрана на Русија, кон селото Вербова на јужниот фронт на Запорожје, може да биде знак дека за прв пат од почетокот на контраофанзивата пред три месеци, силите на Киев ќе го забрзаат својот напредок во протерување на руските освојувачи.

Аналитичарите Џек Вотлинг и Ник Рејнолдс во најновата анализа, за која пишува nova.rs, проценуваат дека Украина напредува приближно помеѓу 700 и 1.200 метри на секои пет дена.

Вотлинг смета дека напредувањето на одбранбената линија не е пробив, туку создавање на коридор доволно широк за да може да помине потребниот број артилерија и тенкови, што би го загрозило јужниот дел од областа. Градот Токмак  сè уште не е во артилериски дострел, иако има извештаи дека руските сили ја напуштиле населбата.

Откако започна контраофанзивата на 5 јуни, Украина се соочи со големи тешкотии. На две клучни точки на јужниот фронт на Запорожје, киевските сили зазедоа околу 12 километри јужно од Орихив и 11 километри јужно од Велика Новосилка. Проблемот е што Мелитопол, крајната цел јужно од Орихив, се уште е оддалечен 88 километри од украинските сили, а пристаништето Бердјанск 112 километри.

Контраофанзивата напредуваше бавно во јули и август, а Украина се соочи со стратешки проблем. Рускиот претседател Владимир Путин можеби не успеа во неговиот првичен обид да го освои Киев и со тоа да ја победи Украина, но тој сè уште има шанси да успее во она што го замислил – да заземе и задржи голем дел од украинската територија, а со тоа да го исцрпи својот непријател.
Ниту Русија не е лесно да се победи. На почетокот на август, нејзините сили започнаа сопствена артилериска контраофанзива во секторот Купјанск-Лиман, кон северот на Источниот фронт. Ова ја принуди Украина да направи некои непланирани засилувања.

Се појасно станува дека војната ќе продолжи и следната година. Украински воени извори проценуваат дека имаат време приближно до почетокот на ноември за успешна борба, бидејќи борбите ќе бидат тешки поради обилните есенски дождови. Тие извори, исто така, стравуваат дека Русија заштедува дел од своите ракети за нов обид за напад, а истовремено бара повеќе оружје, особено гранати и проектили од Северна Кореја.

Сепак, беше особен предизвик да се усогласи западната помош со потребите на украинското бојно поле. Киев силно лобираше за западните тенкови и борбените авиони Ф-16, иако сè уште не успеа да распореди тенкови околу своите противници, а пристигнувањето на Ф-16 се очекува на почетокот на следната година.

Американските аналитичари Мајкл Кофман и Роб Ли тврдат дека тактиката на Украина за бавна контраофанзива е донекаде погрешно разбрана и дека нејзината стратегија е „постепен напредок со мал број единици“. Доколку не дојде до ненадејна политичка промена во Москва или Киев, војната најверојатно ќе продолжи во оваа форма, што значи дека артилериската муниција е она што сега и треба на Украина.

Share on Facebook

Tweet

Follow us

Save