Тешко повреден Косовец во сообраќајка кај Градско

Шеесет и едногодишен Косовец е тешко повреден во сообраќајна несреќа која се случила на регионалниот пат Велес-Градско.

„Вчера околу 13.30 часот во СВР Велес било пријавено дека на регионалниот пат Велес-Градско, во близина на клучка Караслари, се случила сообраќајна несреќа помеѓу товарно возило „волво“ со приколка со кавадаречки регистарски ознаки, управувано од Д.Н.(28) од с.Ваташа, кавадаречко и патничко возило „фолксваген поло“ со скопски регистарски ознаки, управувано од Х.У.(61) од Косово. Во несреќата со тешки телесни повреди се здобил возачот на возилото „фолксваген поло“, додека со повреди се здобил неговиот сопатник П.К.(60) од с.Долно Соње, општина Сопиште, констатирани во Општата болница Велес“, информираат од МВР.

Извршен бил увид од увидна екипа од СВР Велес.

Share on Facebook

Tweet

Follow us

Save