„Тивок херој“ со денови сосема сам чисти корито на река во Босна

Повозрасен човек изминативе денови секојдневно е во коритото на пресушената река Бабишница, позната и како Бабина Река, во босанскиот град Зеница. Тој постојано го чисти плевелот од речното корито, а предизвика внимание на социјалните мрежи бидејќи нема униформа на јавното комунално претпријатие и се чини дека сето тоа го прави сосема сам, по своја иницијатива, пишуваат локалните медиуми.

„Без фанфари, без камери и аплауз, овој скромен човек едноставно работи. Зад него останува чист брег, а пред него восхитот на соседите кои прашуваат: „Кој е овој човек?“, го опишуваат човекот локалните страници на социјалните мрежи, кои го нарекуваат „тивкиот херој“.

Бабишница е мала планинска река долга околу 18 километри, која е притока на реката Босна. Во периоди на продолжена суша, реката често пресушува од мај до октомври.

Share on Facebook

Tweet

Follow us

Save