INFOMAX.MK

Македонското Собрание кое е задолжено за носење на законите во интерес на граѓаните функционира половично. Предлог-законите заглавуваат низ собраниските процедури и по повеќе од една година, иако собранискиот Деловник предвидува одредени рокови.

Поранешниот претседател на Парламентот, Тито Петковски смета дека не е проблем Деловникот, доколку има одговорен однос од страна на пратениците. Ако има добра волја за интересите на државата, Деловникот не може да биде проблем.

Главниот проблем е што пратениците премногу се врзани за партијата, а никако за граѓаните. Доминатни се партиски ставови, за законите пратениците не одат да ги консултираат граѓаните. Па така е дури и во Владата, министрите од ДУИ велат дека шеф им е Али Ахмети. Бидејќи пратениците се водат само по партиските интерси, а партиските интереси сами по себе се дијаметрално спротивни, тогаш нормално не може да дојде до договор, вели Петковски.

И тој е согласен дека Собранието нема да функционира така тешко ако мнозинството е поголемо. А, сега често не можат да соберат мнозинство за гласање, па се даваат одредни термини за гласање со цел да дојдат сите пратеници од владејчкото мнозинство.

Извор: Фокус