Трагедија во фудбалскиот свет: Почина шпанската фудбалска легенда
Легендарниот шпански фудбалер, Луис Суарез, почина на 89-годишна возраст, по кратко боледување.
Суарез е еден од најдобрите Шпанци на фудбалските терени досега.
Остави голема трага играјќи за Барселона и Интер, а во 1960 година ја освои престижната награда Златна топка оставајќи го зад себе Ференц Пушкаш.
Кариерата ја започна во Депортиво од Ла Коруња, а потоа настапуваше за Депортиво Кондал, клуб од Барселона.
Тој пристигна во Барселона во 1955 година и остана во следните шест сезони, пред да се пресели во Интер каде што остана девет години.
Кариерата ја заврши како фудбалер на Сампдорија.
