Трамп: Голем напредок во врска со Русија – Останете со нас

Американскиот претседател Доналд Трамп обвини голем број американски медиуми за искривување на вистината за неговите разговори со Путин во Алјаска и рече дека тие биле успешни.

„Неверојатно е колку медиумите што шират лажни вести ја искривуваат вистината кога станува збор за мене. Нема ништо што можам да кажам или направам за да ги натерам искрено да пишуваат за мене. Имав одличен состанок во Алјаска за глупавата војна на Бајден – војна што никогаш не требаше да се случи!!!“, напиша Трамп на социјалната мрежа Truth.

Во следниот пост, американскиот лидер додаде дека е постигнат голем напредок во Алјаска во врска со Русија. „Голем напредок во врска со Русија. Останете со нас“, напиша Трамп на социјалната мрежа Truth. На 15 август, во Алјаска се одржа состанок меѓу претседателите на Русија и САД, Владимир Путин и Доналд Трамп.

Лидерите се сретнаа во воената база Елмендорф-Ричардсон во Анкориџ. Разговорите во потесен формат „три на три“ траеја два часа и 45 минути. Руската страна ја претставуваа рускиот министер за надворешни работи Сергеј Лавров и помошникот на претседателот Јуриј Ушаков. САД беа претставувани од државниот секретар Марко Рубио и специјалниот претставник на американскиот претседател Стивен Виткоф.

Share on Facebook

Tweet

Follow us

Save