Трамп: Наскоро ќе разговарам со европските лидери, тие се одлични луѓе

Претседателот на Соединетите Американски Држави, Доналд Трамп, изјави дека наскоро ќе разговара со европските лидери и дека тие се „одлични луѓе“ кои сакаат договор.

„Наскоро ќе разговарам со европските лидери. Тие се одлични луѓе кои сакаат да постигнат договор“, напиша Трамп на својот профил на платформата „Truth Social“.

Украинскиот претседател Володимир Зеленски денес е во посета на Берлин, каде што ќе има средба со германскиот канцелар Фридрих Мерц, а потоа ќе учествува на видеоконференција со европските лидери, генералниот секретар на НАТО Марк Руте и Трамп, објавија германската влада и канцеларијата на украинскиот претседател.

Претходно, агенцијата Ројтерс објави дека Трамп и потпретседателот на САД, Џ.Д. Венс, денес ќе учествуваат на виртуелен состанок со Зеленски и лидерите на европските земји. Според извештаите, европските лидери прво ќе одржат видео состанок едни со други за да ги координираат своите ставови пред да разговараат со Трамп за претстојните преговори во Белата куќа со рускиот претседател Владимир Путин.

Видеоконференција меѓу украинскиот претседател Володимир Зеленски и лидерите на Германија, Финска, Франција, Велика Британија, Италија, Полска и Европската Унија, според германската влада, е закажана за 14 часот по средноевропско време, а ќе биде присутен и генералниот секретар на НАТО.

По видеоконференцијата со европските и украинските лидери, се очекува Трамп и Венс да одржат посебен онлајн состанок со европските претставници во 15 часот. Средбата меѓу Трамп и Путин ќе се одржи во петок, 15 август, во Анкориџ, Алјаска

Share on Facebook

Tweet

Follow us

Save