Трамп: Следуваат два неверојатни дена, војната со Иран е блиску до крајот

Американскиот претседател Доналд Трамп изјави во средата дека војната со Иран би можела брзо да заврши, повикувајќи го светот да гледа „неверојатни два дена“ додека американските сили го блокираат Ормутскиот теснец и ги враќаат бродовите што се обидуваат да ги напуштат иранските пристаништа.

Иако постои можност американските и иранските претставници да се вратат во Пакистан за понатамошни разговори, потпретседателот Џ.Д. Венс, кој ја предводеше делегацијата на разговорите што завршија без договор во неделата, рече дека е оптимист во врска со моменталната ситуација.

„Мислам дека ќе имате неверојатни два дена пред нас“, кажа Трамп.

Американскиот претседател додаде дека не смета оти би било потребно да се продолжи двонеделното примирје што истекува следната недела.

„Мислам дека би можело да заврши многу брзо. Ќе заврши наскоро“, рече Трамп.

Официјални лица од Пакистан, Иран и неколку земји од Заливот, исто така, рекоа дека американските и иранските преговарачки тимови би можеле да се вратат во Исламабад оваа недела.

Министерството за надворешни работи на Иран соопшти дека пакистанска делегација веројатно ќе пристигне во Иран во среда за да достави пораки од Вашингтон.

Оптимизмот на Трамп ги подигна светските акции на рекордно високо ниво, а цените на нафтата, кои паднаа во вторник и рано во среда, се вратија на околу 96 долари за барел откако американската војска соопшти дека нејзината блокада на Ормутскиот теснец целосно ја запрела поморската трговија кон и од Иран.

Share on Facebook

Tweet

Follow us

Save