Трифонов до Македонија: „Ќе ја гледате ЕУ низ крива макарона“

Лидерот на бугарската политичка партија „Има таков народ“ Слави Трифонов се огласи во врска со инцидентот во бугарската амбасада во Скопјe. Тој упати закани до Македонците во негов стил: „Ќе ја гледате Европската Унија низ искривена макарона“.

„Не знам дали знаете, но еден човек во Северна Македонија се приближил до стаклената врата на бугарската дипломатска мисија во Скопјe, го скршил стаклото и си заминал. Тоа било снимено на безбедносни камери. Можеби се прашувате: што е работата – само една стакло. Па, да, но проблемот не е скршеното стакло, туку ставот. Обично сакате да го скршите стаклото на некој што не го сакате, или само го мразите.

Пред многу години бев во Скопјe и никогаш нема да заборавам колку бев шокиран кога видов пред бугарската амбасада, на спротивниот ѕид, огромен натпис со големи црни букви: „Бугари умрете“. Оттогаш ништо не се променило. Раскажани се многу приказни, направени се многу обиди, главно од Бугарија, но нема подобрување во односот на Македонците кон нас – и тоа е тоа. „Бугарите умрете“ сè уште е таму и Македонците нема да го избришат.

Па добро. Ако не сакате – во ред. Мудриот бугарски народ има една соодветна изрека: „Со сила убавина нема“. Потоа, ако не сакате, ќе останете во Северна Македонија, ќе ги гледате глупавите, одвратни црни натписи, ќе кршите некое стакло од време на време, тајно ќе сонувате да имате бугарски пасоши, ќе доаѓате на морскиот брег во Сончев Брег секогаш кога е можно, ќе ги праќате вашите деца да студираат во Бугарија и ќе ја гледате Европската Унија низ крива макарона. Бидејќи, објективно кажано, токму тоа го заслужувате“, напиша Трифонов на Фејсбук.

Тој порача и дека во овој период со големо задоволство ќе продолжи да пее бугарски народни песни од Пиринскиот регион.

Вчера полицијата експресно го уапси 54-годишниот Ш.А. од Скопје, кој го искршил стаклото на влезната врата на амбасадата на Република Бугарија во Скопје.

Претходно министерот за надворешни работи и надворешна трговија Тимчо Муцунски го осуди нападот на амбасадата на Бугарија во земјава и вели дека се работи за изолиран случај и институциите реагирале брзо и ефикасно.

Share on Facebook

Tweet

Follow us

Save