Уапсен директорот на албанската Агенција за државни патишта, Евис Бербери

Според СПАК, Бербери е обвинет за корупција и перење пари.

Тој пред неколку дена поднел оставка од оваа функција, со образложение дека тоа е од лични причини. Пред тоа бил извршен претрес во неговата куќа од каде биле изземени компјутер, мобилен телефон и документи.

Обвинет е за настан од 2018 година, пред Бербери да влезе во Министерството за инфраструктура и енергетика и да биде на чело на Агенцијата.

– Од истрагите на Обвинителството се работи за перење пари и корупција. Приведени се и други лица и бизнисмени кои вршеле перење пари. Станува збор за настан во 2018 година, кога Бербери беше сопственик на фирма пред да влезе во Министерството за инфраструктура. Извршена е фиктивна продажба каде се сомнева дека вршеле перење пари, наведуваат албанските медиуми.

Дел од медиумите неговото име го поврзуваат и со неправилности во спроведувањето на тендери за изградба на патишта.

Бербери беше назначен за директор на Агенцијата за државни патишта во јуни 2021 година.

Share on Facebook

Tweet

Follow us

Save