Убава вест: Повеќе оздравени од ново-заболени

Продолжува трендот на повеќе оздравени отколку заразени од Ковид-19, а со тоа опаѓа и бројот на активни случаи. Во меѓувреме, во тек е скринингот за имунитетот на граѓаните во Скопје и во другите градови, а продолжува и скринингот во училиштата.

Надлежните очекуваат во наредниот период да се стабилизира епидемиолошката ситуација во државата и оти веќе се наоѓаме во надолна крива на епидемиолошката состојба.

Во текот на вчерашниот ден беше евидентирани 631 нов случај на Ковид-19, од направени 2.818 тестови. Регистрирани се шест починати пациенти, а 910 оздравени.

Досега во земјава се направени вкупно 1.880.891 тестирања на КОВИД-19.

Вкупниот број КОВИД-дијагностицирани лица во земјава од почетокот на епидемијата изнесува 295.712. Бројот на оздравени пациенти е 281.582, на починати е 8.968. Има вкупно 5.162 активни случаи.

Share on Facebook

Tweet

Follow us

Save