INFOMAX.MK

Во австрискиот град Грац денеска е уапсен 14-годишен црногорски државјанин, кој е осомничен дека планирал терористички напад со нож во центарот на градот, соопшти полицијата, повикувајќи се на истрагата на Државниот завод за државна безбедност и борба против екстремизмот (ЛСЕ).

Според соопштението, кај тинејџерката е пронајден пропаганден материјал на Исламската држава, меѓу кои и бројни видео снимки од егзекуции, како и нож и секира, пренесува порталот „Пресе“. Инспекторите влегле во трага на 14-годишната девојка со следење на нејзините разговори и активности на социјалните мрежи, се додава во соопштението. Нападот бил насочен кон „неверниците“, а местото на злосторството требало да биде Јакоминиплац во Грац, еден од најголемите плоштади во градот.

На распитот во присуство на законскиот старател и бранителот, 14-годишното девојче не го признало сомнителното дело, а на предлог на обвинителството судот и одреди мерка притвор поради опасност од повторување и прикривање на делото. Полицијата предупреди дека извештаите од изминатите неколку години покажуваат јасен тренд на радикализација во и низ дигиталниот простор.

„Високиот статус на ИД кај помладата генерација се заснова првенствено на разновидноста и квалитетот на пропагандната содржина достапна на интернет, која има силна привлечност до тинејџерите и младите возрасни“, се додава во соопштението. Австрискиот министер за внатрешни работи Герхард Карнер изјави дека Канцеларијата за заштита на Уставот презема доследни мерки против сите форми на екстремизам.