Ужас во Германија: Ја застрелал бремената сопруга во глава и ранил уште три лица

Денес четири лица се ранети во пукотница во Хаген, во западна Германија, а осомничениот сторител е во бегство, соопшти полицијата.

Според достапните информации, бегалецот е 34-годишниот Мехмет О. кој ја застрелал својата бремена сопруга во глава.

Лекарите се борат за нејзиниот живот, пренесува списанието Fenix.

Откако пукал во нивниот заеднички стан, насилникот истрчал на седмиот кат и испукал до шест куршуми во заклучената врата од станот. Таму никој не е повреден.

Мажот потоа влегол во својот мерцедес и се упатил до фризерски салон на два километри. Таму пукал и ранил уште три лица.

Роднина на сторителот за медиумите изјави:

„Бев шокиран кога слушнав што се случило. И не можам ни да објаснам зошто го направи тоа. Колку што знам, тој немаше никакви проблеми и всушност беше многу мирно момче. Тој и неговата сопруга имаат четири деца“.

Потрагата по избеганиот сторител продолжува. Дронови се во воздух, се пребаруваат блиските шуми. Специјални единици од цела Северна Рајна-Вестфалија се на пат, вклучувајќи полициски хеликоптери и кучиња трагачи.

Share on Facebook

Tweet

Follow us

Save